Rasija daść Biełarusi hihancki kredyt na impartazamiaščeńnie
Rasija i Biełaruś na pačatku vieraśnia majuć namier zaklučyć damovu ab vydzialeńni kredytu na 1,5 miljarda dalaraŭ ZŠA na prahramy pa impartazamiaščeńni. Pra heta paviedamiŭ pieršy vice-premjer Biełarusi Mikałaj Snapkoŭ padčas cyrymonii adkryćcia abnoŭlenaha biełaruskaha paviljona na VDNH u Maskvie.
23.08.2022 / 17:53
Napiaredadni Alaksandr Łukašenka kazaŭ, što Minsk prapanavaŭ Maskvie niekalki sumiesnych prajektaŭ pa zamiaščeńni zachodniaha impartu va ŭmovach sankcyjnaha cisku. U Kramli, pa jaho słovach, takuju ideju ŭpadabałi, i rasijski bok paabiacaŭ dać Biełarusi kredyt na hetyja mety ŭ pamiery 1,5 miljarda dalaraŭ.
Zatym Minpram Biełarusi zajaviŭ, što Rasija vydzielić srodki na realizacyju prahram pa impartazamiaščeńni, u pryvatnaści, u mašynabudaŭničaj halinie. Naprykład, u haradskim pasiołku Rudziensk Puchavickaha rajona bolšuju častku vytvorčych mahutnaściaŭ zadziejničajuć dla vypusku far i lichtaroŭ dla rasijskaha aŭtaprama. Taksama majecca niekalki prajektaŭ, zapłanavanych da realizacyi na bazie chołdynhu «Amkador».