Žurnalistcy Taćcianie Maćviejevaj prysudzili 8 sutak aryštu, padčas suda nad joj zatrymali Barysa Chamajdu
Siońnia ŭ sudzie Kastryčnickaha rajona Viciebska prajšoŭ sud nad Maćviejevaj. Paśla na jaje staroncy ŭ fejsbuku źjaviŭsia nadpis «8 sutak aryštu».
25.08.2022 / 16:44
Na Maćviejevu, jak paviedamlaje BAŽ, skłali pratakoł za niesankcyjanavanaje pikietavańnie: za avatarku ŭ fejsbuku sa słovami Janki Kupały «Chočam ludźmi zvacca» na fonie pałosaŭ biełaha i čyrvonaha koleraŭ.
Paśla źjaviłasia infarmacyja pra toje, što na sudovym pracesie pa spravie Maćviejevaj zatrymali viciebskaha dysidenta Barysa Chamajdu. Vierahodnaj pryčynaj zatrymańnia staŭ miedaljon z Pahoniaj.