Bajcy-«kalinoŭcy» ŭ hadavinu abviaščeńnia niezaležnaści Biełarusi ŭračysta pryniali ściah
25 žniŭnia, u histaryčna važny dla Biełarusi dzień, u Pałku Kalinoŭskaha praviali ŭračysty vajskovy rytuał pryniaćcia bajavoha ściaha. Vajary Pałka atrymali šaŭrony, a rekruty dali zarok na viernaść Biełarusi, paviedamlaje pres-słužba Pałka.
25.08.2022 / 19:26
Kamandzir Pałka Kalinoŭskaha Dzianis «Kit» źviarnuŭsia da bajcoŭ: «Bajavy ściah uvasablaje našu hatoŭnaść zmahacca za svabodu svajho naroda, jak zmahalisia za jaje kasiniery Kaściuški i paŭstancy Kalinoŭskaha, vajary Słuckaha Zbrojnaha čynu i partyzany antybalšavickaha supracivu, udzielniki pratestaŭ 2020-ha».
U adkaz biełaruskija dobraachvotniki-kalinoŭcy «paklalisia zrabić usio mahčymaje, kab nablizić čas, kali bajavy ściah Pałka budzie volna łunać u niabiosach pa-nad svabodnaj Biełaruśsiu».