The Washington Post: Rasija nanosić udary «Kalibrami» pa draŭlanych mulažach HIMARS
Nibyta ich śpiecyjalna staviać, kab padmanuć sapiernika.
30.08.2022 / 13:52
Amierykanskaje vydańnie sa spasyłkaj na ananimnaha ŭkrainskaha čynoŭnika paviedamiła, što za niekalki tydniaŭ rasijskaje vojska atakavała darahimi rakietami «Kalibr» nie mienš za dziesiać iłžyvych celaŭ — draŭlanyja mulažy ŭstanovak HIMARS, jakija adpraŭlaje va Ukrainu ZŠA.
Z hetym mohuć być źviazanyja zajavy rasijskaha boku ab źniščeńni ŭkrainskich HIMARS. «Jany śćviardžali, što źniščyli bolš HIMARS, čym my navat adpravili», — adznačyŭ u razmovie z The Washington Post amierykanski dypłamat.
Vajennyja ekśpierty padkreślivajuć, što takaja padmannaja taktyka prymušaje rasijskuju armiju pieramiaščać składy z bojeprypasami i punkty kamandavańnia hłybiej u tył. Akramia taho, Rasija tracić na źniščeńnie fejkavych celaŭ zapasy vysokadakładnych rakiet, papoŭnić jakija z-za niedachopu mikračypaŭ budzie składana.