Rasijskija vojski adstupili z Vysakapołla
Ukrainskija SMI paviedamlajuć pra vyzvaleńnie 4 vieraśnia adrazu niekalkich nasielenych punktaŭ, zachoplenych raniej rasijskimi vojskami.
04.09.2022 / 16:54
Fota ŭstalavańnia ŭkrainskaha ściaha nad Vysokapolskaj balnicaj
Ranicaj 4 vieraśnia byŭ uźniaty ściah Ukrainy nad balnicaj u Vysakapołli Bierysłaŭskaha rajona Chiersonskaj vobłaści. Heta pasiołak haradskoha typu z 4-tysiačnym nasielnictvam, stratehična važny punkt. Bai za jaho išli z 29 žniŭnia, a pad akupacyjaj jon byŭ z 16 sakavika.
Adstupleńnie rasijskich desantnikaŭ z Vysakapołla pacvierdzili rasijskija krynicy.
UNIAN piša, što ŭkrainskija vajskoŭcy vyzvalili ad akupantaŭ Aziornaje ŭ Danieckaj vobłaści, farsiravaŭšy raku Sievierski Daniec. Heta nievialikaja vioska niepadalok ad Sievierska.
U svaju čarhu, były ministr abarony «DNR» Ihar Hirkin (Strałkoŭ) piša, što ŭkrainskija siły zaniali sioły Błahadataŭka na Chiersonščynie i Lubamiraŭka ŭ Mikałajeŭskaj vobłaści, a taksama zmahli pašyryć płacdarm na paŭdniovym bierazie raki Inhulec.