Łukašenka sustreŭsia sa Snapkovym sam-nasam
Alaksandr Łukašenka 6 vieraśnia pravioŭ rabočuju sustreču z pieršym vice-premjeram Mikałajem Snapkovym, piša BiełTA.
06.09.2022 / 13:21
«Kitajski kirunak — piersanalnaja adkaznaść. Druhoje pytańnie — impartazamiaščeńnie. Treciaje pytańnie — prachodžańnie finansaŭ za pastaŭlenuju pradukcyju. Tema viadomaja. Heta značyć, ekanamičny błok i finansavy, jak tut Nacyjanalny bank dapamahaje našym pradpryjemstvam — dy i ŭrad — bieśpieraškodnamu prachodžańniu apłaty, finansavych resursaŭ za pastaŭlenuju pradukcyju», — nazvaŭ Łukašenka temy dla abmierkavańnia.
Taksama jon zaŭvažyŭ, što pa ŭsich hetych pytańniach niama nievyrašalnych prablem. «Mnie patrebnyja listy, mnie patrebnaje rašeńnie pytańnia, — padkreśliŭ jon. — Źviarnulisia ludzi pa dapamohu — treba dapamahčy. Ludzi ŭmiejuć i pradavać pradukcyju, i hrošy za heta atrymlivać, a chtości nie ŭmieje. A kali chtości nie choča ŭ hetaj situacyi pracavać, vy taksama pavinny ŭnieści adpaviednyja prapanovy».
Łukašenka taksama pacikaviŭsia ŭ pieršaha vice-premjera, jak va ŭmovach sankcyjnaha cisku pracujuć niekatoryja biełaruskija pradpryjemstvy. «Pa dakładach byccam by ŭ kahości horš, u kahości lepš, ale prablemy vyrašajucca», — adznačyŭ jon.