ES nazvaŭ zatrymańnie svajho dypłamata ŭ Minsku surjoznym parušeńniem Vienskaj kanviencyi
Pradstaŭnictva Jeŭrasajuza ŭ Biełarusi prakamientavała zatrymańnie časovaj pavieranaj u spravach ES u Biełarusi Evieliny Šulc i nazvała heta najhrubiejšym parušeńniem Vienskaj kanviencyi. U suviazi ź incydentam Jeŭrapiejskaja słužba źniešnich dziejańniaŭ vyklikała časovuju pavieranuju ŭ spravach Biełarusi ŭ ES.
07.09.2022 / 22:52
Fota: Tetiana SHYSHKINA, unsplash.com
«Heta niezakonnaje zatrymańnie dypłamata źjaŭlajecca surjoznym parušeńniem Vienskaj kanviencyi ab dypłamatyčnych znosinach, jakaja harantuje asabistuju niedatykalnaść dypłamataŭ, i stavić pad pytańnie biaśpieku dypłamataŭ u Biełarusi. Takoje niezakonnaje zatrymańnie dypłamatyčnaha piersanału ES adbyvajecca ŭžo druhi raz. Jeŭrapiejskaja słužba źniešnich dziejańniaŭ užo vyklikała biełaruskuju časovuju pavieranuju ŭ Brusieli dla tłumačeńnia hetaha surjoznaha incydentu», — paviedamili vydańniu Reform.by u pradstaŭnictvie ES u Biełarusi.
6 vieraśnia paśla abviaščeńnia prysudu ŭ spravie «Revalucyjnaha dziejańnia» byli zatrymanyja niekalki čałaviek, u tym liku časovaja pavieranaja ŭ spravach Jeŭrasajuza u Biełarusi Evielina Šulc. Jaje adpuścili tolki praź dźvie hadziny.