Ukraincaŭ chapaje nie tolki na kontrnastupleńnie na ŭschodzie i poŭdni, ale i na vučeńni pry miažy ź Biełarussiu
8 vieraśnia Ukraina nie tolki nastupała na Charkaŭščynie i Chiersonščynie, ale i adpracoŭvała aktyŭnuju fazu vučeńniaŭ «Paŭnočny ŭrahan» z udziełam bajcoŭ Nachvardyi, Dziaržpahransłužby, Nacpalicyi i Siłaŭ terytaryjalnaj abarony. Vučeńni prachodziać u Žytomirskaj, Rovienskaj i Vałynskaj abłaściach, jakija miažujuć ź Biełarussiu, paviedamiła pres-słužba MUS Ukrainy.
08.09.2022 / 22:30
«Pavodle lehiendy vučeńniaŭ, pravaachoŭniki i vajskoŭcy adpracoŭvajuć pytańni inžyniernaha abstalavańnia abaronnych pazicyj, a mienavita miniravańnia terytoryj. Akramia taho, padraździaleńni sumiesna trenirujucca pravodzić vyzvaleńnie terytoryj ad siłaŭ i srodkaŭ praciŭnika i adbivać jaho kontrnastupleńnie. Razam z asnoŭnymi navučalnymi manieŭrami padraździaleńni śpiecyjalnaha pryznačeńnia taksama adpracoŭvajuć vyjaŭleńnie, błakavańnie i likvidacyju uzbrojenych hrupaŭ i DRH», — paviedamiła pres-słužba ŭkrainskaha MUS.
Biełaruskija vajskoŭcy taksama siońnia pačali kamandna-štabnyja vučeńni. Pavodle ich zadumy, biełaruskija vajskoŭcy vyciaśniajuć za miežy krainy ŭmoŭnaha praciŭnika, jaki zaniaŭ častku terytoryi Biełarusi. Vučeńnie pravodzicca na palihonie «Brescki», a taksama ŭčastkach miascovaści ŭ Minskaj i Viciebskaj abłaściach.