Мінская прадавачка надкусвала пірожныя, а пасля клала іх на вітрыну. Што?
У сацсеткі трапіла відэа, на якім бачна, як прадавачка мінскай кандытарскай надкусвае пірожныя, а пасля кладзе іх у каробку для продажу.
11.09.2022 / 12:58
Скрыншот: відэа блогера «Мерзкій Кокобай»
Відэа апублікаваў блогер «Мерзкій Кокобай».
«Трэба карміць сваіх супрацоўнікаў. Інакш будзе вось так», — падпісаў ён.
На відэа трапіла адна з кандытарскіх сеткі Bongenie. Прадавачка дэгуставала не толькі пірожныя, але і ягады з торта, пасля чаго паспрабавала зрабіць выгляд, што дэкор так і выглядаў.
Журналісты «Анлайнера» патэлефанавалі ў краму, каб разабрацца ў сітуацыі.
«Гэта не ў парадку рэчаў, прадавец ужо звольнены. Мы цяпер разбіраемся ў сітуацыі і пазней дадзім разгорнуты каментарый», — адказалі журналістам у краме.