Minskaja pradavačka nadkusvała pirožnyja, a paśla kłała ich na vitrynu. Što?
U sacsietki trapiła videa, na jakim bačna, jak pradavačka minskaj kandytarskaj nadkusvaje pirožnyja, a paśla kładzie ich u karobku dla prodažu.
11.09.2022 / 12:58
Skrynšot: videa błohiera «Mierzkij Kokobaj»
Videa apublikavaŭ błohier «Mierzkij Kokobaj».
«Treba karmić svaich supracoŭnikaŭ. Inakš budzie voś tak», — padpisaŭ jon.
Na videa trapiła adna z kandytarskich sietki Bongenie. Pradavačka dehustavała nie tolki pirožnyja, ale i jahady z torta, paśla čaho pasprabavała zrabić vyhlad, što dekor tak i vyhladaŭ.
Žurnalisty «Anłajniera» patelefanavali ŭ kramu, kab razabracca ŭ situacyi.
«Heta nie ŭ paradku rečaŭ, pradaviec užo zvolnieny. My ciapier raźbirajemsia ŭ situacyi i paźniej dadzim razhornuty kamientaryj», — adkazali žurnalistam u kramie.