Čałavieka z Mazyra pasadzili za videa dla «Biełaruskaha hajuna»
U Homielskim abłasnym sudzie 15 vieraśnia vynieśli prysud ekałahičnamu aktyvistu Paŭłu Nazdru. Jaho abvinavacili ŭ sadziejničańni ekstremisckaj dziejnaści pavodle č. 1 art. 361-1 Kryminalnaha kodeksa za pierasyłku infarmacyi pra pierasoŭvańnie rasijskich vojskaŭ u Mazyry telehram-kanału «Biełaruski hajun». Suddzia Ludmiła Hryńko pryznačyła jamu dva hady kałonii va ŭmovach ahulnaha režymu, piša «Viasna».
15.09.2022 / 16:59
Pavieł Nazdra — ekałahičny aktyvist z Mazyra, zatrymany 11 traŭnia hetaha hoda i źmieščany da suda pad vartu.
Pavieł viadomy tym, što źjaŭlaŭsia pradstaŭnikom u Mazyry inicyjatyvy «Zialony dazor». Jon arhanizavaŭ u horadzie šerah ekałahičnych akcyj i inicyjatyŭ, u jakich udzielničali ŭ tym liku i pradstaŭniki ŭładnych orhanaŭ. Taksama jon źjaŭlajecca adnym z suzasnavalnikaŭ partyi «Biełaruskaja chryścijanskaja demakratyja».