Bielhijskija suddzi i prakurory vyrašyli pasiadzieć u turmie, kab viedać, što heta takoje
55 suddziaŭ i prakuroraŭ ź Bielhii vyrašyli pa svajoj voli nienadoŭha sieści ŭ turmu, kab adčuć siabie źniavolenymi. Ekśpierymient pravodzicca ŭ novaj turmie ŭ adnym z rajonaŭ Brusiela.
18.09.2022 / 22:22
Sapraŭdnych źniavolenych u hetym budynku pakul što niama — ustanova aficyjna adkryjecca tolki ŭ kancy hetaha miesiaca.
Ministr justycyi Bielhii Vinsent Van Kvikienborn ličyć, što paśla taho, jak suddzi i prakurory praviaduć niekatory čas u realnych turemnych umovach, jany buduć vynosić bolš abhruntavanyja prysudy.
Utrymańnie dobraachvotnikaŭ zrabili maksimalna realistyčnym — piersanał turmy abychodzicca ź imi hetak ža sama, jak i z sapraŭdnymi asudžanymi. Ale siadzieć u hetych umovach suddziam i prakuroram daviadziecca ŭsiaho paŭtara dnia.