U niadzielu palaki adkryjuć pamiežny pierachod u Kuźnicy, ale tolki dla svaich
U niadzielu, 25 vieraśnia, na pamiežnym pierachodzie ŭ Kuźnicy (z sumiežnaha boku ŭ Hrodzienskaj vobłaści punkt propusku «Bruzhi») adbudziecca dzień adčynienych dźviarej, pryśviečany śviatkavańniu 102-j hadavinie bitvy na Niomanie, jakaja adbyvałasia padčas polska-savieckaj vajny 1919—1920 hadoŭ. Ale biełarusaŭ tudy nie puściać.
19.09.2022 / 19:14
Dostup u punkt propusku budzie adkryty ŭsiaho adzin dzień i čakajuć tam tolki žycharoŭ Polščy.
Polskija pamiežniki anansavali mierapryjemstva jak siamiejnaje śviata z demanstracyjaj aŭtamabilaŭ i abstalavańnia, kancertam, pakazam navykaŭ hadavancaŭ kinałahičnaj słužby, hulniami, konkursami i padarunkami dla dziaciej.
Prapuskny punkt u Kuźnicy paŭnavartasna ciapier nie pracuje. Polšča zakryła ruch praź jaho 9 listapada minułaha hoda, kali da pierachodu ź biełaruskaha boku padyšli tysiačy mihrantaŭ ź Blizkaha Uschodu. Z taho času ruch praź jaho tak i nie adnaviŭsia. Choć da zakryćcia pamiežnaha pierachodu «Kuźnica — Bruzhi» norma propusku ŭ sutki była samaj vialikaj na ŭsim praciahu biełaruska-polskaj miažy.