Biełaruskaja śpiavačka pahaliła hałavu pierad sieansam chimii. Hladzicie, jakaja jana pryhožaja
Kaciaryna Vadanosava, śpiavačka i televiadučaja, apublikavała fota, na jakich jana — biez svaich raskošnych vałasoŭ.
25.09.2022 / 17:52
Usie fota: KaciarynaVadanosava / Facebook
Kaciaryna chvareje na rak hrudziej, pra jaki raspaviadaje maksimalna ščyra. Takim čynam jana padtrymlivaje šmatlikich žančyn, jakija apynulisia ŭ padobnym stanoviščy i bajacca pra heta havaryć, a značyć, atrymlivać padtrymku ad inšych.
«Na fonie navinaŭ apošniaha tydnia hetaja, kaniečnie, — drobiaź, ale ŭsio roŭna padzialusia, — napisała Kaciaryna. — Fota biez filtraŭ, zdymaŭ muž na telefon. Jon ža i haliŭ.
U mianie dakładna dźvie makaŭki — ja tak i dumała) Babula kazała, što, kali ŭ čałavieka dźvie makaŭki, to jon budzie ščaślivy. Značyć, mnie jość, čaho čakać i kudy imknucca».
Čytačy ŭ kamientaryjach zyčać Kaciarynie zdaroŭja i zachaplajucca jaje pryhažościu.