Biełaruskaja žurnalistka ŭvajšła ŭ žury prestyžnaj kinapremii «Załaty hłobus»
Biełaruskaja žurnalistka Irena Kaciałovič stała členam žury 80-j kinapremii «Załaty hłobus», jakuju štohod uručajuć u ZŠA. Pra heta jana napisała ŭ siabie ŭ fejsbuku.
27.09.2022 / 11:03
Irena Kaciałovič — kinakrytyk, kulturołah i žurnalistka, supracoŭničała z «Našaj Nivaj» i «Biełsatam», člen Mižnarodnaj fiederacyi kinapresy FIPRESI. Uvachodziła ŭ skład žury na kinafiestyvalach u Biełarusi, Hiermanii, Charvatyi, Polščy.
«Załaty hłobus» — amierykanskaja kinapremija, jakaja ŭručajecca ŭ studzieni za najlepšyja pracy ŭ siarod kinafilmaŭ i televizijnych karcin. Uznaharoda ŭručajecca pa vynikach hałasavańnia 90 mižnarodnych žurnalistaŭ, jana ličycca druhoj pa značnaści paśla «Oskara».
Tak najlepšym dramatyčnym filmam 2021 hoda byŭ pryznany viestern «Ułada sabaki» Džejn Kempijon, a najlepšym miuzikłam — «Viestsajdskaja historyja» Styviena Śpiłbierha.