Patryjarch Kirył ušanavaŭ «ruskamirnuju» aktyŭnaść ihumieńni Haŭryiły ordenam
Sumnaviadomuju ihumieńniu Rastva-Baharodzičnaha staŭrapihijalnaha žanočaha manastyra ŭ Hrodnie Haŭryiłu patryjarch Kirył uhanaravaŭ adnoj z najvyšejšych uznaharod Ruskaj Pravasłaŭnaj Carkvy — ordenam śviatoj roŭnaapostalnaj kniahini Volhi I stupieni. Dla žančyn jana ŭvohule najvyšejšaja.
03.10.2022 / 22:00
Uznaharoda z punktu hledžańnia taho, chto jaje daje, całkam zasłužanaja, bo Haŭryiła idzie całkam u farvatary kirunku RPC, zadadzienaha samim Kiryłam. Jana viadomaja jak aktyŭnaja prychilnica Łukašenki, zaciata zmahajecca z nacyjanalnym biełaruskim rucham, apraŭdvaje vajennuju ahresiju Rasii suprać Ukrainy i ŭvohule apantana prasoŭvaje idei «ruskaha śvietu».
U 2020 hodzie, kali navat kiraŭnictva BPC niejki čas sprabavała trymać bolš-mienš uzvažanuju pazicyju, ihumieńnia Haŭryiła adkryta vystupiła na baku Łukašenki i siłavikoŭ, błahasłaŭlajučy razhornuty šyrokamaštabny dziaržaŭny hvałt, vystupała z ahresiŭnymi pramovami na dziaržaŭnych mierapryjemstvach i daryła pačastunki amapaŭcam. Heta niesumnienna adna z najbolš adyjoznych fihur u sučasnym biełaruskim pravasłaŭi.