«Былі халопамі, сталі рабамі». Ала Пугачова адказала на крытыку
Вядомая спявачка Ала Пугачова, якая стала аб'ектам нападак прапагандыстаў, адказала крытыкам.
04.10.2022 / 14:46
Яна апублікавала ў інстаграме пост з наступным тэкстам:
«Божа мой! Якое шчасце, што мяне ненавідзяць тыя людзі, якіх я заўжды цярпець не магла. Калі б я ім падабалася, гэта азначала б, што я спявала і жыла дарэмна. Прычына ясная. Хай скрыгочуць зубамі. БЫЛІ ХАЛОПАМІ, СТАЛІ РАБАМІ».
Каму менавіта Пугачова адрасавала свае словы, з паведамлення незразумела.
Нядаўна стала вядома, што спявачка з дзецьмі з’ехала з РФ. Напярэдадні яна выступіла з заявай пра тое, што цалкам падтрымлівае свайго мужа Максіма Галкіна, якога ў Расіі абвясцілі інаагентам і папрасіла і сябе запісаць у гэтыя шэрагі.