Minabarony Rasii: U Chiersonskaj vobłaści rasijskaja armija za dzień adstupiła na 30 kiłamietraŭ
Ministerstva abarony Rasii padčas štodzionnaha bryfinhu pakazała kartu bajavych dziejańniaŭ va Ukrainie. Ź jaje vynikaje, što pavodle stanu na 4 kastryčnika rasijskija vojski praktyčna całkam vyjšli z Charkaŭskaj vobłaści i adstupili na poŭnačy Chiersonskaj vobłaści. Pra heta paviedamlaje vydańnie «Ahienctva».
04.10.2022 / 22:39
Zhodna z pradstaŭlenaj kartaj, u Charkaŭskaj vobłaści pad kantrolem Rasii zastałasia zusim nievialikaja terytoryja na paŭnočny ŭschod ad pasiołka Dvurečnaje. Dniom raniej Minabarony śćviardžała, što pad kantrolem Rasiei znachodzicca ŭsia terytoryja vobłaści na ŭschod ad raki Askoł.
Z hetaha vynikaje, što z 3 da 4 kastryčnika USU vyzvalili prykładna dźvie traciny padkantrolnych Rasii terytoryj vobłaści.
«Ahienctva» taksama źviarnuła ŭvahu na adstupleńnie rasijskich vojskaŭ na poŭnačy Chiersonskaj vobłaści. Dniom raniej linija frontu na karcie prachodziła ŭ rajonie pasieliščaŭ Davydaŭ Brod, Dabranka i Załataja Bałka. 4 kastryčnika rasijskaje Minabarony zaśviedčyła, što pad kantrolem rasijskaha vojska znachodzicca terytoryja prykładna da linii pamiž Davydavym Brodam i Dudčanami.
Takim čynam, linija frontu ŭ rehijonie zrušyłasia na poŭdzień prykładna na 30 kiłamietraŭ. Hetaje adstupleńnie navat bolš istotnaje, čym śviedčać rasijskija vajskovyja błohiery.