«Jeŭrabačańnie-2023» projdzie ŭ Livierpuli
U Vialikabrytanii nazvali horad, jaki budzie prymać «Jeŭrabačańnie — 2023». Im staŭ Livierpul, abviaściŭ u žyvym efiry viadučy Bi-bi-si Hrem Nortan, jaki aśviatlaje konkurs u efiry karparacyi z 2009 hoda.
08.10.2022 / 08:52
Zvyčajna konkurs prymaje kraina — pieramožca konkursa papiaredniaha hoda, i tamu «Jeŭrabačańnie — 2023» pavinna było b prajści va Ukrainie, bo viasnoj 2022-ha konkurs vyjhraŭ ukrainski hurt Kalush Orchestra. Ale krainie, jakaja musić udzielničać u šyrokamaštabnaj vajnie, davieryć heta nie ryzyknuli i pryniali rašeńnie ab pieranosie.
Pakolki druhoje miesca na apošnim «Jeŭrabačańni» dastałasia brytanskamu śpievaku Semu Rajderu, u 2023 hodzie konkurs vyrašyli pravieści ŭ Vialikabrytaniju. Spačatku cikavaść da konkursu prajavili dva dziasiatki brytanskich haradoŭ, ale ŭ vyniku ich kolkaść skaraciłasia da dvuch — Livierpula i Hłazha. Pieramoh Livierpul.
Napiaredadni abviaščeńnia vynikaŭ haradskija ŭłady Livierpula zajavili, što buduć prymać mierapryjemstva «ad imia Ukrainy».