Vyjšli na volu dva palitviaźni
Siońnia całkam adbyli svaje terminy i vyjšli na volu dva palitviaźni — Bahdan Šymanovič i Arciom Kasač. Pra ich vyzvaleńnie paviedamlaje dissidentby.
10.10.2022 / 18:34
Fota: Arciom Kasač
Bahdan Šymanovič raniej byŭ aniestezijołaham-reanimatołaham, a ciapier jon — samazaniaty ramieśnik. Bahdan byŭ asudžany na 1 hod «chimii» za spalvańnie makieta čałavieka, na jakim visieła tablička z tekstam «Vostok — v Haahu». Makiet mieŭ źniešnija prykmiety, padobnyja da Łukašenkavych.
Arciom Kasač — žychar Viciebska, asudžany na 1,5 hoda «chimii» za abraźlivy kamientar pad videa pra čynoŭnika Siarhieja Stašeŭskaha, jaki prymušaŭ siabraŭ vybarčaj kamisii padrablać pratakoły. Spačatku jamu prysudzili paŭtara hoda «chatniaj chimii», adnak paśla pratestu prakurora prysud byŭ źmienieny na zvyčajnuju «chimiju».