Na Ščučynščynie čałaviek zahinuŭ pad samarobnym traktaram
U Ščučynskim rajonie mužčyna na samarobnym traktary nie spraviŭsia z kiravańniem, vylecieŭ u kiuviet. Traktar prycisnuŭ čałavieka tak, što jahony haspadar pamior pa darozie ŭ balnicu. Pra heta paviedamlaje pres-słužba DAI Hrodzienskaj vobłaści.
10.10.2022 / 18:49
U niadzielu, 9 kastryčnika, u 18.40 u miascovuju milicyju pastupiła paviedamleńnie ab avaryi ź ciažkimi nastupstvami na 23-m kiłamietry darohi «Bielica — Žałudok».
Prybyŭšy na miesca vykliku, supracoŭniki DAI pabačyli, što 40-hadovy kiroŭca, za rulom samarobnaha traktara ŭ sčepcy z vozam, pablizu pasiołka Dubrava nie spraviŭsia z kiravańniem, vylecieŭ u kiuviet i pierakuliŭsia. Traktaram mužčynu prycisnuła da ziamli.
Vidavočcy zdareńnia padniali traktar i vyklikali miedykaŭ, ale vyratavać čałavieka nie ŭdałosia: jon pamior pa darozie ŭ balnicu.
U DAI adznačyli, što mužčyna nie mieŭ paśviedčańnia kiroŭcy. Jaho ŭ jaho zabrali jašče ŭ 2017 hodzie, bo čałavieka dvojčy łavili niecviarozym za rulom.