Rasijskaja «dačka» «Biełarusnafty» nabyła ŭčastak na Krajniaj Poŭnačy
Płošča paŭnočnaha aktyvu daččynaha pradpryjemstva «Biełarusnafty», naftavaj kampanii «Janhpur», pavialičyłasia na 101,5 kv. km, piša partał neft.by. Kampanija nabyła ŭčastak u Jamała-Nienieckaj aŭtanomnaj akruzie.
12.10.2022 / 16:31
Fota: neft.by
«Dačka» biełaruskaj kampanii, vyjhraŭšy aŭkcyjon, kupiła čarhovy licenzijny ŭčastak na Krajniaj Poŭnačy — Janhjachinski. Jon raźmieščany za 38 kiłamietraŭ ad miežaŭ Uść-Purpiejskaha ŭčastka, dzie biełaruskija naftaviki ŭžo viaduć zdabyču na čatyroch radoviščach.
Pobač z hetym učastkam raźmieščanyja dziejnyja radoviščy bujnych rasijskich kampanij. Tamu pierśpiektyŭny nabytak ličać jašče adnym krokam «Biełarusnafty» da pavieličeńnia zdabyčy nafty i hazu ŭ Rasii.
Pavodle płanaŭ, da 2025 hoda ŭ Zachodniaj Sibiry ŭzrovień zdabyčy vuhlevadarodaŭ u naftavym ekvivalencie pavinien dasiahnuć abjomu, jaki naftaviki «Biełnafty» atrymlivajuć u Biełarusi.