MNS i sanstancyja padali pazovy ab prypynieńni pracy čatyroch pryvatnych škoł
Ekanamičny sud Minska 13—14 kastryčnika razhledzić pazovy ab prypynieńni pracy čatyroch pryvatnych škoł pa zajavach kantrolnych orhanaŭ. Pasiedžańni ŭniesienyja ŭ raskład na sajcie Viarchoŭnaha suda, zaŭvažyła Zerkalo.io.
12.10.2022 / 18:35
Fota ilustracyjnaje
Havorka idzie pra pryvatnyja škoły «Stembrydž», «Hienezis Skuł», «Hryn Chił» i «Pačatkovaja škoła RKŠ». Suprać pieršych troch pazovy padało MNS u asobie Savieckaha i Pieršamajskaha RANS, a suprać apošniaj škoły — Centr hihijeny i epidemijałohii Frunzienskaha rajona Minska.
Spravy buduć razhladać suddzi Ivan Majsiejčyk i Ihar Muraškin.
Akramia taho, jak śćviardžaje Sputnik.by sa spasyłkaj na svaju krynicu, dniami taki ž sud prajšoŭ u dačynieńni da pryvatnaj ustanovy adukacyi «Mužčynskaja himnazija». Vyšejnazvanaja «Pačatkovaja škoła RKŠ» — faktyčna častka hetaj himnazii.
Da pačatku kastryčnika vialikaja častka niedziaržaŭnych škoł u Biełarusi prypynili pracu ŭ suviazi z ciskam z boku ŭładaŭ.