Lecišča Niny Bahinskaj vystavili na aŭkcyjon za daŭhi pa štrafach
Dačny ŭčastak 75-hadovaj aktyvistki Niny Bahinskaj vystaŭleny na aŭkcyjon adździełam prymusovaha vykanańnia Pieršamajskaha rajona Minska. Łot źjaviŭsia na sajcie placoŭki pa prodažy majomaści «Bielurazabieśpiačeńnie».
19.10.2022 / 14:36
Majecca na ŭvazie ŭčastak płoščaj 4,5 sotki ŭ sadovym tavarystvie «Fiztech» u Puchavickim rajonie. Kapitalnych pabudoŭ na im niama — jak paznačana ŭ papierach, tam tolki staraja haspadarčaja pabudova.
Aŭkcyjon adbudziecca 10 listapada. Pačatkovaja cana ŭčastka ŭstanoŭlena ŭ pamiery 693 rubloŭ.
Učastak znachodzicca pad aryštam sudovaha vykanaŭcy z 2016 hoda i pradajecca za daŭhi. U hrafie «Daŭžnik» — imia Niny Bahinskaj. Učastak naležyć joj na pravie ŭłasnaści jak minimum z 2004 hoda (tady jon byŭ zarehistravany).
Jak viadoma, u Niny Bahinskaj nakapiłasia vialikaja suma nieapłačanych štrafaŭ, jakija aktyvistka admaŭlajecca płacić.