U «Vikipiedyi» raskryli sietku cieniavych redaktaraŭ, jakija prasoŭvali rasijskuju vajennuju prapahandu
Ekśpierty raskryli dziejnaść hrupy cieniavych redaktaraŭ «Vikipiedyi». Jany karektavali infarmacyju, kab prasoŭvać kramloŭskuju prapahandu ab vajnie Rasii suprać Ukrainy. Daśledavańnie praviali dva brytanskija analityčnyja centry — Instytut stratehičnaha dyjałohu (ISD) i Centr analizu sacyjalnych miedyja (CASM). Vyniki svajoj pracy analityki apublikavali ŭ sumiesnaj spravazdačy.
20.10.2022 / 18:40
Ekśpierty praanalizavali dziejnaść 86 redaktaraŭ «Vikipiedyi», zvolnienych z momantu poŭnamaštabnaha ŭvarvańnia Rasii va Ukrainu. Pryčyna pazbaŭleńnia ich pasady — parušeńnie kodeksa etyki infarmacyjnaha partała.
Byłyja supracoŭniki ŭnosili tonkija źmieny ŭ materyjały, jakija tyčylisia rasiejskaj ahresii. Jany sprabavali manipulavać infarmacyjaj i choć by trochi schilać jaje ŭ bok Rasii. Redaktary chacieli pakazać kramloŭskija viersii padziej maksimalna abjektyŭnymi i padvažyć praŭdzivaść traktovak.
Sa słoŭ analitykaŭ, byłyja supracoŭniki «Vikipiedyi» dadavali ŭ materyjały cytaty rasijskich palitykaŭ i pres-relizy Maskvy, kab uzmacnić arhumienty ahresara. Jany taksama stvarali śpiecyjalnyja temy z metaj pierakryvić historyju i dadavali spasyłki na prapahandysckija resursy RF.
«Adnoj z pahroz dla Vikipiedyi zjaŭlajecca vykarystańnie padazronych abo tendencyjnych krynic. Tamu spačatku my pravieryli padychod filtracyi redahavańniaŭ na asnovie taho, ci dadajuć jany spasyłki na afilavanyja abo spansavanyja dziaržaŭnymi SMI sajty», — skazana ŭ daśledavańni.
Pry hetym ekśpierty naŭprost nie abvinavačvajuć byłych redaktaraŭ u suviazi z Kramlom. Analityki śćviardžajuć, što ciapier ciažka vyznačyć, ci była pamiž zvolnienymi supracoŭnikami niejkaja suviaź.