Brytanija zajaviła pra pusk rakiety z rasijskaha źniščalnika ŭ bok brytanskaha vajskovaha samalota
Ministr abarony Vialikabrytanii Bien Uoles zajaviŭ pra pusk rakiety z rasijskaha źniščalnika ŭ bok brytanskaha samalota-raźviedčyka ŭ niebie nad Čornym moram, piša Reuters.
20.10.2022 / 19:21
Incydent adbyŭsia 29 vieraśnia, kali brytanski samalot-raźviedčyk RC-135 River Joint biez uzbrajeńnia ździajśniaŭ płanavaje patrulavańnie. Padčas ablotu zadadzienaha kvadrata brytanski samalot byŭ pierachopleny dvuma źniščalnikami Su-27.
«Padčas pierachopu adzin sa źniščalnikaŭ Su-27 vypuściŭ rakietu pablizu samalota RC-135 River Joint bieź vizualnaha kantaktu z cellu», — skazaŭ Uoles.
Ministr abarony Vialikabrytanii źviarnuŭsia da Siarhieja Šajhu z prośbaj dać acenku zdareńnia. Uoles paviedamiŭ, što ŭ vyniku pravierki incydentu z boku rasijskich uładaŭ było ŭstanoŭlena, što rakieta była nibyta vypuščanaja praz techničnuju pamyłku.