«Heta fejk». U Chojnickaj rajoncy prakamientavali infarmacyju ab zapusku dronaŭ-kamikadze z terytoryi rajona
Dniami «Biełaruski hajun» napisaŭ, što iranskija drony-kamikadze zapuskajucca kala adsielenych viosak Ułasy i Kažuški na terytoryi Paleskaha radyjacyjna-ekałahičnaha zapaviednika.
27.10.2022 / 11:39
Kiraŭnik zapaviednika Alaksiej Ciškaviec u kamientary haziecie «Chojnickija naviny» nazvaŭ infarmacyju fejkam.
«Nijakaj prysutnaści na terytoryi zapaviednika nie zafiksavana. Dziejnaść ustanovy prachodzić u štatnym režymie. Na absalutna ŭsich kvadratach pravodzicca kruhłasutačny manitorynh. (…) U fejkavaj navinie pierakonvajuć, što sa spadarožnika bačnyja prataptanyja darohi ŭ byłych nasielenych punktach. Adnak heta nie bolš čym šlachi, pa jakich iduć padčas manitorynhu», — zajaviŭ Ciškaviec.
My nie možam pravieryć praŭdzivaść hetaj zajavy. Raniej łukašenkaŭcy nie raz raspaŭsiudžvali zaviedama chłuślivuju infarmacyju adnosna vajny va Ukrainie i na inšyja temy.