U Turcyi kot złamaŭ łapku i sam pryjšoŭ u balnicu pa dapamohu
U tureckim Bitlisie kot sa złamanaj łapaj sam pryjšoŭ u balnicu, prosiačy ab dapamozie.
19.11.2022 / 11:52
Kamiery videanazirańnia zafiksavali, jak čatyrochnohi zajšoŭ u pryjomnaje addzialeńnie traŭmapunkta. Supracoŭniki zaŭvažyli naviedvalnika, praviali ahlad i dyjahnastavali ŭ jaho pierałom zadniaj łapki.
Pakul katu nakładvali šynu i rabili pieraviazku, jon lažaŭ absalutna spakojna. Nie źbiantežyli jaho navat šmatlikija ŭspyški smartfonaŭ supracoŭnikaŭ.
Niejki čas supracoŭniki trymali kata, jakomu dali imia Daŭšo, pad nahladam. Zatym čatyrochnohi pakinuŭ balnicu. Ciapier jon pasialiŭsia niedaloka ad miedustanovy i rehularna chodzić na pieraviazki, praciahvajučy lačeńnie.