Расійскі Следчы камітэт пачаў праверку выказванняў былога гульца «Што? Дзе? Калі?»
Вядомы гулец-«знаток» інтэлектуальнай гульні «Што? Дзе? Калі?» Раўшан Аскераў нядаўна рэзка выказаўся ў адным з украінскім Youtube-каналаў пра расійскіх вайскоўцаў, чым чарговы раз звярнуў на сябе ўвагу Следчага камітэта Расіі.
21.11.2022 / 23:35
Каментуючы ваенныя падзеі, Раўшан Аскераў сказаў:
«Адзінае магчымае стаўленне да іх — гэта забіваць іх. Забіваць, забіваць, забіваць расійскіх салдат, завальваць «грузам 200» Расію роўна для таго, каб яны нарэшце зразумелі, куды яны прыйшлі, атрымалі «по щам», завылі і павярнулі зброю на Крэмль».
Раней Басманны суд Масквы завочна арыштаваў Аскерава па справе аб «рэабілітацыі нацызму», пасля таго як той назваў маршала Георгія Жукава «марадзёрам са стажам» і «забойцам у пагонах».
Раўшан Аскераў ураджэнец Азербайджана, але грамадзянін Расіі. Ён пакінуў Маскву адразу пасля пачатку Расіяй вайны з Украінай і з той пары рашуча крытыкуе расійскае кіраўніцтва.