U Hrodnie aryštavali kiraŭnicu pradstaŭnictva šviejcarskaj farmaceŭtyčnaj kampanii Alpen Pharma
Prakuratura Hrodna zaviała kryminalnuju spravu suprać kiraŭnicy pradstaŭnictva šviejcarskaj kampanii Alpen Pharma ŭ Biełarusi, padazravanymi pa joj pryznanyja 12 pradstaŭnikoŭ kampanii pa abłaściach i Minsku, paviedamlaje pres-słužba viedamstva.
22.11.2022 / 18:27
«31-hadovaja padazravanaja na praciahu 2 hadoŭ sistematyčna davała ad imia pradstaŭnictva Alpen Pharma AG niezakonnyja hrašovyja ŭznaharody miedycynskim rabotnikam ustanoŭ achovy zdaroŭja rehijona za prasoŭvańnie hamieapatyčnych i lekavych preparataŭ», — havorycca ŭ paviedamleńni prakuratury.
Šviejcarskaja Alpen Pharma zajmajecca vytvorčaściu, prasoŭvańniem i dystrybucyjaj lekavych srodkaŭ, arhanizacyjaj i praviadzieńniem kliničnych vyprabavańniaŭ preparataŭ, ich rehistracyjaj, pracuje pa ŭsioj Jeŭropie i ŭ Azii. U Biełarusi kampanija dziejničaje z 2009 hoda.