U Homieli mužčyna skraŭ u kramie pradukty i ŭciok
Incydent adbyŭsia ŭ kancy kastryčnika ŭ «Kapieječcy». 28-hadovy hamialčuk užo vielmi dziŭna siabie pavodziŭ, čym i pryciahnuŭ uvahu, paviedamlaje miascovaje vydańnie «Biełka».
25.11.2022 / 15:27
Małady čałaviek švendaŭsia pamiž stełažami chvilin dziesiać, a potym rezka nakiravaŭsia da vychadu. Akazałasia, za hety čas jon paśpieŭ nabić zaplečnik praduktami, płacić za jakija i nie źbiraŭsia.
Jaho pasprabavali zatrymać jašče na vychadzie, ale jon zmoh vyrvacca. Tady daviałosia vyklikać milicyju, jakaja chutka i zatrymała mužčynu. U jaho zaplečniku akazalisia skradzienyja słabaałkaholny napoj i piva, dva vidy sierviełata, zakusačnyja kaŭbaski, rapsavy alej. Usio na 33 rubli 25 kapiejek.
Ciapier na hamielčuka zaviali kryminalnuju spravu.