У Мінску чалавек патрапіў пад трамвай
Мужчына ў Мінску пераходзіў дарогу на чырвонае святло і яго збіў трамвай. Інцыдэнт адбыўся раніцай 30 лістапада.
30.11.2022 / 18:34
Кіроўца трамвая рухаўся на зялёны сігнал святлафора. 59-гадовы пешаход, як паведамляецца, выйшаў на дарогу, нават не азірнуўшыся па баках.
У выніку мужчына шпіталізаваны з цялеснымі пашкоджаннямі. Абставіны здарэння цяпер высвятляюцца.