Удакладненне навіны пра старшыню Вярхоўнага Суда Сукалу
2 снежня «Наша Ніва» паведаміла, што старшыня Вярхоўнага Суда Валянцін Сукала з прычыны цяжкай хваробы працяглы час знаходзіцца ў рэанімацыі.
07.12.2022 / 19:49
Фота: тэлеграм-канал Вярхоўнага Суда
Як высветлілася пазней, гэтая інфармацыя, хоць і была праўдзівай, але дайшла да нас са спазненнем. Мы апублікавалі яе, маючы пацвярджэнне з дзвюх крыніц. На жаль, такое здараецца, калі камунікацыя з Рэдакцыяй небяспечная і звесткі даходзяць да нас, перадаюць нам з затрымкай праз некалькі рук.
На момант публікацыі Сукала ўжо ачуняў. Ён удзельнічаў у Х Усерасійскім з'ездзе суддзяў з 29 лістапада па 1 снежня.
Фота: тэлеграм-канал Вярхоўнага суда
Перапрашаем за несвоечасовае інфармаванне.