Śpiavačka Sielin Dyjon, mahčyma, bolš nie zmoža vystupać
Śpiavačka Sielin Dyjon raskazała pra toje, što chvoraja na redkuju niebiaśpiečnuju chvarobu i admianiła svaje kancerty, vykłaŭšy zvarot da fanataŭ u instahramie.
08.12.2022 / 20:32
54-hadovaja Sielin Dyjon raspaviała, što ŭ jaje dyjahnastavali sindrom myšačnaj skavanaści. Heta redkaje nieŭrałahičnaje zachvorvańnie, jakoje vyklikaje prahresirujučuju ryhidnaść ciahlic i spazmy.
Dyjon padzialiłasia, što z-za sindromu jana ź ciažkaściu moža chadzić i śpiavać — tamu kancerty, zapłanavanyja ŭ Vialikabrytanii i Jeŭropie ŭ nastupnym hodzie, davodzicca admianić.
Sindrom myšačnaj skavanaści — małavyvučanaje zachvorvańnie, ale Dyjon kaža, što jaje lačeńniem zajmajucca vopytnyja lekary. Śpiavačka spadziajecca, što jana zmoža viarnucca na scenu.
«Sa mnoj pracuje vydatnaja kamanda lekaraŭ, jakija dapamahajuć mnie ačuniać, pobač znachodziacca maje darahija dzieci, jakija padtrymlivajuć mianie i dapamahajuć mnie. Kožny dzień ja staranna pracuju sa svaim terapieŭtam pa spartyŭnaj miedycynie, kab adnavić siły i zdolnaść znoŭ vystupać, ale ja pavinna pryznać, što heta — baraćba», — pryznałasia Dyjon.