Чарговага палітвязня асудзілі па «справе Зельцэра»
У Мінскім гарадскім судзе да двух гадоў калоніі па «справе Зельцэра» асудзілі 43-гадовага палітвязня Дзяніса Ядзевіча. Яго прызналі вінаватым паводле арт. 369 (абраза прадстаўніка ўлады) і ч. 1 арт. 130 (распальванне іншай сацыяльнай варожасці) Крымінальнага кодэкса. Такі прысуд вынесла суддзя Анжэла Касцюкевіч яшчэ 11 лістапада, але пра вынік суда стала вядома толькі цяпер, піша «Вясна».
09.12.2022 / 16:22
Дзяніс Ядзевіч быў затрыманы 30 верасня 2021 года ў Мінску па крымінальнай справе, заведзенай за каментары ў інтэрнэце пасля гібелі ў мінскай кватэры IT-спецыяліста Андрэя Зельцэра і супрацоўніка КДБ Дзмітрыя Федасюка.
Падтрымайце палітвязня: СІЗА-1, 220030, г. Мінск, вул. Валадарскага, 2, Дзяніс Аляксандравіч Ядзевіч