Va Ukrainie na 12 hadoŭ asudzili čałavieka, jaki «palavaŭ» na HIMARS
Va Ukrainie na 12 hadoŭ asudžany čałaviek, abvinavačany ŭ tym, što jon pieradavaŭ rasijanam raźvieddanyja ab dysłakacyi USU i «palavaŭ» na bajavyja pazicyi HIMARS.
16.12.2022 / 13:53
«Złamyśnik źbiraŭ źviestki ab dysłakacyi i pieramiaščeńni padraździaleńniaŭ USU na Danieckim kirunku. Pierš za ŭsio, jon sprabavaŭ vyjavić mahčymyja bajavyja pazicyi reaktyŭnych artyleryjskich sistem HIMARS.
Akramia taho, pieradavaŭ akupantam dakładnyja kaardynaty abjektaŭ krytyčnaj infrastruktury rehijona», — havorycca ŭ paviedamleńni ŭkrainskaj śpiecsłužby.
Pakazvajecca, što pa «navodcy» hetaha čałavieka vojski RF udaryli pa vodazabornaj sistemie ŭ horadzie Sielidava.