Bienziema adchiliŭ zaprašeńnie Makrona naviedać finał ČS
Najlepšy kłubny futbalist śvietu vyrašyŭ nie lacieć u Dochu na vyrašalny matč suśvietnaha pieršynstva.
18.12.2022 / 12:18
Fota: Jean-Francois Badias / AP Photo
Forvard madrydskaha «Reała» Karym Bienziema adchiliŭ zaprašeńnie prezidenta Francyi Emaniuela Makrona naviedać finał čempijanatu śvietu ŭ Katary. Pra heta paviedamlaje ESPN.
Adznačajecca, što ŭ Bienziema była mahčymaść adpravicca ŭ Dochu razam z Makronam na prezidenckim samalocie, ale jon, jak i Łaran Błan, Ziniedzin Zidan i Mišel Płacini, adchiliŭ hetuju prapanovu.
Bienziema atrymaŭ traŭmu pierad samym pačatkam turniru i nie zmoh dapamahčy zbornaj Francyi ŭ Katary.
U piatnicu Bienziema apublikavaŭ u Instagram fatahrafiju sa słovami «mnie heta nie cikava», što, chutčej za ŭsio, adnosicca da zaprašeńnia. Krynica paviedamiła ESPN, što Bienziema «całkam padtrymlivaje kamandu i choča, kab jany vyjhrali hety tytuł, jaki ŭ peŭnym sensie budzie naležać jamu».