У Брэсце 13-гадовы хлопчык трапіў пад цягнік, але застаўся жывы
Ён быў у капюшоне і слухаў музыку ў навушніках.
18.12.2022 / 15:19
Інцыдэнт адбыўся 16 снежня каля 14 гадзін на чыгуначным пераездзе па вуліцы Пушкінскай, піша «Віртуальны Брэст».
13-гадовы школьнік вяртаўся дадому пасля заняткаў.
Хлопчык ішоў па пешаходнай дарожцы, быў у капюшоне і слухаў музыку праз навушнікі.
Ён выйшаў на пераезд непасрэдна перад лакаматывам.
Падлетка з палітраўмай даставілі ва ўстанову аховы здароўя.