Dopis Miesi paśla pieramohi na čempijanacie śvietu nabraŭ samuju vialikuju kolkaść łajkaŭ u historyi instahrama
Dopis kapitana zbornaj Arhienciny Lijaniela Miesi, zrobleny paśla pieramohi na ČS—2022 pa futbole, pabiŭ rekord pa łajkach u historyi instahrama. Tam 58 miljonaŭ łajkaŭ.
20.12.2022 / 15:04
Pa stanie na 14:00 u publikacyi, jakaja ŭjaŭlaje saboj sieryju fatahrafij Miesi i jaho partnioraŭ pa kamandzie z Kubkam śvietu, 57 miljonaŭ 718 tysiač łajkaŭ.
Da hetaha času rekordnaja kolkaść łajkaŭ — 56,2 miljona — była ŭ fatahrafii kurynaha jajka, vykładzienaj u akaŭncie world_record_egg u studzieni 2019 hoda.
Siarod spartśmienaŭ samaja papularnaja publikacyja była rekłamnaj u akaŭncie Kryšcijanu Ranałdu, zroblenaja ŭ listapadzie 2022 hoda ŭ supracoŭnictvie z Louis Vuitton. Na tym fota, jakoje nabrała 42 miljony łajkaŭ, Ranałdu i Miesi hulajuć u šachmaty.