U Rasii źlapili dvuchmietrovaha zajca z hnoju
Jak piša miascovaje vydańnie «Sacha miedyja», žychar vioski Uołba Tacinskaha ŭłusa ŭ Jakucii Michaił Baposaŭ, jaki ŭžo raniej prasłaviŭsia svaimi skulpturami z hnoju, prezientavaŭ novuju pracu.
28.12.2022 / 20:06
«Praca nad skulpturaj pačałasia ŭ kancy listapada. Rabiŭ jaje razam z bratami Ivanam i Inakiencijem. Heta 12-y simvał hoda, jaki ja zrabiŭ z hnoju. Tak što ŭ kalekcyi ciapier usie žyvioły z uschodniaha kalendara», — cytuje vydańnie skulptara.
Michaił Baposaŭ taksama raskazaŭ, što praca nad kampazicyjaj dałasia jamu nialohka.
«Hnoj u mianie ciapier u deficycie, bo ŭłasnuju haspadarku pierastaŭ vieści pa stanie zdaroŭja. Dy i sioleta śniežań vydaŭsia ciopłym. A kab skulptura dobra zmacavałasia, patrebnyja dobryja marazy. Ale mnie vielmi mocna dapamahli maje braty Ivan i Inakiencij. Tak što da vyznačanaj daty — da 28 śniežnia — my paśpieli», — adznačyŭ Baposaŭ.
Narodnyja ŭmielcy hetym razam zdoleli navat miechanizavać vyrab — zajac z hnoju moža bić łapkami pa barabanie.