U Haradockim rajonie rasijski hruzavy ciahnik sutyknuŭsia z mašynaj. Aŭtamabil uśmiatku
Siońnia kala 9:15 u Haradockim rajonie pablizu pasiołka Jeziaryšča na rehulavanym pierajeździe hruzavy ciahnik sutyknuŭsia z aŭtamašynaj «Ford Tranzit», paviedamlaje milicejski telehram-kanał.
06.01.2023 / 13:44
Akazałasia, što prama na pierajeździe ŭ aŭtamabila zdaryłasia pałomka. Kiroŭca i jaho žonka vyjšli z mašyny. Pakul žančyna šukała dapamohu ŭ pasiołku, mužčyna zastavaŭsia kala aŭto.
U hety čas na zakruhleńni čyhunačnych šlachoŭ pakazaŭsia hruzavy ciahnik. Mašynist nie adrazu zaŭvažyŭ aŭtamabil. Niahledziačy na ŭsie miery, paźbiehnuć sutyknieńnia z busam nie ŭdałosia. Paciarpiełych niama.
Zatrymka ruchu ciahnika skłała 3 hadziny 34 chviliny.