ES paabiacaŭ novyja sankcyi suprać Biełarusi
Jeŭrasajuz uviadzie novyja sankcyi suprać Biełarusi. Pra heta zajaviła staršynia Jeŭrakamisii Ursuła fon der Lajen na pres-kanfierencyi paśla padpisańnia novaj dekłaracyi ab supracoŭnictvie ES i NATA.
10.01.2023 / 14:18
Pa jaje słovach, Jeŭrasajuz uzmocnić padtrymku Ukrainy, a taksama praciahnie akazvać cisk na Rasiju i tyja krainy, što padtrymlivajuć jaje vajskovym šlacham.
«Jeŭrapiejski Sajuz praciahnie rabić usio, što ŭ jaho siłach, kab padtrymać advažny narod Ukrainy. My praciahniem akazvać cisk na Kreml stolki, kolki heta spatrebicca, nanosiačy ŭdary pa režymie sankcyjami. My pašyrym sankcyi na tych, chto vajskovym čynam padtrymlivaje rasijskuju vajnu, jak Biełaruś i Iran. My budziem uvodzić novyja sankcyi suprać Biełarusi, dajučy adkaz na jaje ŭdzieł u hetaj rasijskaj vajnie va Ukrainie», — skazała jana.
Pra jakija mienavita sankcyi idzie razmova, staršynia Jeŭrakamisii nie ŭdakładniła.
Ursuła fon der Lajen taksama zhadała pra mihracyjny kryzis na miažy Biełarusi i ES, arhanizavany, pa jaje słovach, režymam Łukašenki.