Ź biełaruskim dypłomam možna budzie pracavać u Zimbabve
Łukašenka ŭchvaliŭ prajekt Miemaranduma ab uzajemarazumieńni pamiž Biełaruśsiu i Zimbabve pa pytańniach uzajemnaha pryznańnia dakumientaŭ ab adukacyi ŭ jakaści asnovy dla praviadzieńnia pieramoŭ. Adpaviedny ŭkaz №13 padpisany 19 studzienia, paviedamlaje pres-słužba Łukašenki.
19.01.2023 / 23:01
Łukašenka z prezidentam Zimbabve Emiersanam Mnanhahva
Na praviadzieńnie pieramoŭ pa prajekcie miemaranduma ŭpaŭnavažanaje Ministerstva adukacyi Biełarusi. Jamu dazvolena pry nieabchodnaści ŭnosić u jaho źmieny, jakija nie majuć pryncypovaha charaktaru.
Viedamstva taksama upaŭnavažanaje na padpisańnie dakumienta pry dasiahnieńni damoŭlenaści ŭ miežach uchvalenaha prajekta, paviedamlaje pres-słužba Łukašenki.