Pasoł Ukrainy nazvaŭ kolkaść tankaŭ, jakija Kijeŭ atrymaje ad Zachadu
Ab pastaŭkach Kijevu tankaŭ užo abviaścili ZŠA, Hiermanija, Vialikabrytanija, Polšča i inšyja krainy. Siarod mašyn, jakija atrymaje Kijeŭ, — niamieckija Leopard, amierykanskija Abrams, brytanskija Challenger i inšyja.
28.01.2023 / 09:32
Fota: AP
Zachad paabiacaŭ pastavić Ukrainie 321 ciažki tank, paviedamiŭ u intervju BFM TV ukrainski pasoł u Francyi Vadzim Amielčanka.
«Siońnia mnohija krainy aficyjna paćvierdzili svaju zhodu pastavić Ukrainie 321 ciažki tank», — skazaŭ dypłamat.
Jon adznačyŭ, što tanki patrebnyja Kijevu «jak maha chutčej», u kancy leta-pačatku vosieni budzie «zanadta pozna». Raniej ukrainski prezident Uładzimir Zialenski taksama adznačaŭ, što pastaŭki zachodnich tankaŭ (a mienavita amierykanskich Abrams) da žniŭnia — zanadta poźni termin.