Жанчына з Віцебшчыны, якая нядаўна загубіла нованароджанае дзіця, трапіла пад амністыю
21 жніўня мінулага года ў адной з вёсак Віцебскага раёна 39-гадовая п'яная мясцовая жыхарка пайшла ў прыбіральню і нарадзіла там дзіця. Дзіця ўпала ў яму і там захлынулася, а жанчына не стала яго даставаць. Нядаўна яе судзілі, пішуць «Народныя навіны Віцебска».
30.01.2023 / 22:27
Фота: Следчы камітэт
11 студзеня суд Віцебскага раёна прызнаў вяскоўку вінаватай у прычыненні смерці па неасцярожнасці.
На падставе часткі 1 артыкула 144 КК жанчыну асудзілі да двух з паловай гадоў пазбаўлення волі ў папраўчай калоніі ва ўмовах пасялення. Таксама яе прымусова будуць лячыць ад алкагалізму.
А на падставе нядаўняга закона аб амністыі ёй паменшаць тэрмін адбыцця пакарання на адзін год.