У Оршы арыштавалі зааабаронцу Алену Мірашнічэнка
Сёння адбыўся арышт і адразу ж суд над Аленай Мірашнічэнка, паведамляе «Вясна» са спасылкай на аршанскіх праваабаронцаў.
02.02.2023 / 16:05
Алена — вядомая ў Оршы зааабаронца. Ініцыятыва «Хвосцікі» ў якой яна ўдзельнічае, штомесяц дапамагае дзясяткам бадзяжных жывёлаў.
Пару дзён таму ёй даслалі павестку з пазнакай, што супраць яе распачатая адмінсітрацыйная справа. Сёння днём Алена па павестцы з'явілася ў міліцыю і яе арыштавалі. Паводле праваабаронцаў, яе абвінавацілі ў правядзенні несанкцыянаванага масавага мерапрыемства.
Адразу ж адбыўся і суд. Алену асудзілі на 15 сутак.
Магчыма, прычынай затрымання стала тое, што Алена ў двары аднаго з дамоў правяла сустрэчу з жыхарамі дома, каб растлумачыць як правільна абыходзіцца з бадзяжнымі жывёламі.