U Minsku ŭźviaduć novyja budynki dla palikliniki pry ankacentry i infiekcyjnaj balnicy
Pry Minskim haradskim kliničnym ankałahičnym centry pabudujuć novy kansultatyŭna-palikliničny budynak. Da takoha rašeńnia pryjšli na naradzie pa pytańniach stvareńnia navukova-praktyčnaha centra ankałohii, paviedamlaje Ministerstva achovy zdaroŭja.
05.02.2023 / 13:31
Fota: Minzdaroŭja
Ciapierašniaja paliklinika ankadyspansiera pabudavanaja ŭ 1977 hodzie. Spačatku jaje płanavali rekanstrujavać — nadbudavać pavierch i zrabić prybudovu. Ale ekśpierty sumniavajucca, što hetuju madernizacyju vytrymajuć najaŭny padmurak i apornyja kanstrukcyi. Tamu pryniata rašeńnie budavać novuju palikliniku. Užo iduć pieradprajektnyja raboty.
A ŭčora stała viadoma pra budaŭnictva novaj darosłaj infiekcyjnaj balnicy. Jana budzie ŭzvodzicca ŭ Navinkach. Raniej jaje płanavali pabudavać u staličnym mikrarajonie Sucharava nasuprać dziciačaj «infiekcyjonki».