U Biełarusi sprabujuć zrabić sučasny hranatamiot
Dziaržkamvajenpram raskazaŭ pra vyprabavańni lohkaha šmatcelnaha hranatamiotnaha kompleksu «Sapfir», stvareńnie jakoha viałosia ŭ Biełarusi niekalki hadoŭ na adnym z pradpryjemstvaŭ abaronnaha siektara.
16.02.2023 / 18:10
Fota: vpk.gov.by
Hazadynamika kompleksu, jak śćviardžajecca, dazvalaje, u adroźnieńnie ad mnohich inšych ručnych hranatamiotaŭ, vykarystoŭvać «Sapfir» navat u nievialikich pamiaškańniach. Jaho kalibr — 61 mm, maksimalnaja dalokaść paražeńnia celi — 1000 mietraŭ, a efiektyŭnaja — 400 mietraŭ.
Hranatamiot pryznačany dla baraćby ź lohkaj bronietechnikaj, a taksama źniščeńnia žyvoj siły praciŭnika i ahniavych kropak. Dziakujučy adnosna nievialikaj masie (kala 5 kiłahramaŭ) i pamieram (daŭžynia 800 mm), apieratar hranatamiota moža zastavacca mabilnym i chutka mianiać ahniavuju pazicyju.