U Babrujsku vybuch razburyŭ try haražy
17 lutaha kala 19:11 u haražnym kaapieratyvie №12 na vulicy Koŭzana ŭ Babrujsku adbyŭsia vybuch. U vyniku vybuchu razburanyja try haražy, u dvuch paškodžanyja dachi, paškodžanyja try aŭtamabili, paviedamlaje MNS.
17.02.2023 / 23:24
Ratavalniki, jakija prybyli na miesca zdareńnia, vyjavili, što abvalilisia budaŭničyja kanstrukcyi troch haražoŭ, paškodžanyja dachi jašče dvuch.
Adzin mužčyna, 1969 hoda naradžeńnia, vybraŭsia z-pad zavałaŭ samastojna, ad miedycynskaj dapamohi admoviŭsia. Druhoha mužčynu, 1977 hoda naradžeńnia, vyciahnuli ratavalniki, jaho špitalizavali z apiokami.
Pavodle papiaredniaj infarmacyi, u adnym z haražoŭ z dazvołu jahonaha ŭładalnika ramantavali aŭtamabil, zabiaśpiečany hazabałonnym abstalavańniem.