Kijeŭ razarvaŭ pahadnieńnie ź Minskam ab paźbiahańni padvojnaha padatkaabkładańnia
Ukraina pa dypłamatyčnych kanałach pieradała ŭ Biełaruś apaviaščeńnie ab spynieńni dziejańnia pahadnieńnia ab praduchileńni dvajnoha padatkaabkładańnia, paviedamiła Ministerstva pa padatkach i zborach Biełarusi.
21.02.2023 / 13:42
«U isnujučych abstavinach biełaruski bok vymušany ličyć, što pahadnieńnie spyniła dziejańnie», — zajavili ŭ ministerstvie.
Pa hetaj pryčynie normy dakumienta nie buduć prymianiacca pa dachodach, naličanych (vypłačanych) z 1 studzienia 2023 hoda.
Heta taksama tyčycca majomaści, jakaja dekłarujecca za padatkovyja pieryjady, jakija pačynajucca z 1 studzienia biahučaha hoda.
Pahadnieńnie było padpisanaje ŭ śniežni 1993 hoda, nabyło moc u studzieni 1995 hoda. U pryvatnaści, dakumient abviaščaje, što prybytak kampanij Ukrainy i Biełarusi padlahaje padatkaabkładańniu tolki ŭ adnoj z krain.